наркескен

(көне.)

қылыштың бір түрі. Н-нің басқа қылыштан өзгеше-лігі — оны асыл металдан екі жүзді етіп жасайды. Сабын сүйектен немесе мүйізден жасап, алтыннан немесе күмістен әшекей өрнек салады, асыл тастар орнатады. Ертеде мұндай қылыштар хандарда, хан сарайындағы жоғары лауазымды әкімдерде, кейбір мәртебелі билерде болған. Н-ді хандар әскер қолбасшыларына, ел басқарушы атақты батырларға сыйға тартқан. Сондай-ақ Н. атадан балаға ауысатын қадірлі мұра, мүлік болып есептелген. Н., негізінен, парсы қылышы. Оны жасау үрдісін қазақтар өздеріне қабылдап, өздері жасаған қылыштарын Н. деп атаған.